好似好耐好耐冇寫blog，但原來都唔夠一年!
過去一年，好多嘢都寫喺instagram。其實都冇乜重要嘢，都係平日買餸食飯之類嘅無謂事。用instagram嘅好處係，因為用手機，所以寫唔得長，唔會用太多時間。不過壞處係睇唔清又edit不便，成日打錯字。以前發現錯字別字都會改，後來都廢事煩，睇得明就算，反而寫字有時真係為寫而寫，寫咗，就安樂舒服。
其實而家好似冇人寫blog，連facebook都冇乜人玩(我都冇乜玩 lu)，不過有冇人睇好次要，我覺得有個位記錄下生活就夠好，方便將來有需要搵返啲重要日子嘛 (最近填份九萬幾頁嘅澳洲移民申請有感 -- 大佬十年八年前嘅嘢點記得呢... 唉)。
就算唔係啲重要日子，記錄下睇咗咩書咩戲或得意有趣嘅嘢玩嘢食，咁都唔錯呀。
所以我諗我會寫返blog啦，哈。
